Во просторииите на Општина Прилеп, денеска беше остварена значајна работна средба на градоначалникот на Општина Прилеп Дејан Проданоски со претседателот на Федерацијата на европски карневалски градови (ФЕЦЦ), г-дин Ларс Алгел од Шведска, и потпретседателот на федерацијата, Александар Цицимов. На средбата, со градоначалникот биле и претставници од тимот на општината задолжен за организација на карневалот „Прочка“.
Во фокусот на разговорите биле можностите за позиционирање на Прилеп како важна карневалска дестинација на европската културна мапа, како и подготовките за Карневалот „Прочка 2026“, кој Општина Прилеп има за цел да го подигне на уште повисоко меѓународно ниво. Планирано е карневалот да добие зголемена меѓународна видливост, поголем број учесници од земјата и странство.
Од Општина Прилеп истакнуваат дека Прилеп, со својата традиција, автентичен дух и препознатлива енергија, заслужува да биде препознаен како град на карневалот, културата и туризмот.
