Синоќа во киното „Мис Стон“ во Прилеп публиката присуствуваше на првата проекција на документарниот филм „Приказната за Силјан“ во Прилеп. На проекцијата присутвуваше и режисерката Тамара Костовска, која пред проекцијата обраќајќи им се на присутните кажа дека е среќна што филмот се прикажува во градот во кој е родена и кој го чувствува за свој. После проекцијата имаше прашања за режисерката Костовска и нејзино дружење и фотографирање со публиката. Публиката го напушти киното полна со импресии од филмско остварување.
Да потсетиме „Приказната за Силјан“ е документарна бајка инспирирана од македонскиот фолклор од 17 век. Филмот ја следи судбината на земјоделецот Никола и неговата неочекувана врска со бел штрк со повредено крило – метафора за човечкиот опстанок, нежност и надеж. Ова е наградуван, силно визуелен и медитативен филм, откупен од National Geographic.
