Прилепскиот театар „Војдан Чернодрински“ ја започнува новата календарска година со изведба на претставата „Црнила“ од Коле Чашуле, во режија на Дејан Пројковски.
Претставата ќе се изведува на 29 и 30 јануари, со почеток во 20:00 часот, на „Сцена 105“ во Центарот за култура „Марко Цепенков“ – Прилеп.
Режисерот Дејан Пројковски, најавувајќи ја премиерата, истакна дека „Црнила“ се занимава со судирот меѓу индивидуата и колективот, со прашањата за личната среќа, љубовта и моралот, но и со поделбите како една од најдлабоките болки во македонската историја. Тој нагласи дека театарот треба да биде храбар и да проговори за темите што сите ги знаеме, но често ги премолчуваме.
Во создавањето на претставата учествува следниот авторски тим:
Режија: Дејан Пројковски
Сценографија: Валентин Светозарев
Костимографија: Марија Пупучевска
Музика: Горан Трајкоски
Драматург: Лидија Митоска-Ѓорѓиевска
Дизајн на плакат: Сергеј Светозарев
Актерската екипа ја сочинуваат: Сара Спиркоска, Бобан Алексоски, Катерина Чакмакоска-Клинческа, Александар Степанулески, Александар Тодески, Димитар Ѓорѓиевски, Михајло Миленкоски и Илија Волчески, како и децата: Иво Ачански, Ангелина Тодеска, Давид Кочоски и Ива Малинческа.
