Има такви жени кои знаат да кажат не
Ех ,нив капа би им симнала
Има такви жени кои плачат за се
Плачат
Да плачат,собираат во себе
Не цимолат, не молат,плачат и ја собираат
Сета горчина,сета добрина,
И ним капа би им симнала
Го носат целиот товар
И не знаат да кажат не
А знаат да бидат жртва за се.
Има такви жени кои се стокмени во се и нив капа би им симнала
Знаат тие за што живеат
Знаат да бидат свои
А не туѓи
Има такви жени кои знаат се
А животот им е поделен на две
Има такви жени…..
Женчина ги викаат
Трчаат ваму, да стасаат таму
Заборават нешто,да завршат сешто
Времето им тече
нема кој пофален збор да им рече
срцето ги пече
И нив капа им симнувам
За некои се злато
А за некои блато
Има такви жени…
Има такви жени кои знаат што сакаат
Е тие ,никого не фермаат
Живот си живеат
И своето го тераат
Има такви жени…
И нив капа би им симнала
Ирена Ангелеска
