„СНЕЖНОТО КРАЛСТВО“ – МЈУЗИКЛ ЗА ДЕЦА НА СЦЕНАТА ВО ПРИЛЕП

Сподели на социјалните мрежи

Танцовото студио „Зодијак“ од Прилеп во сабота, 21 ноември, со почеток во 12 часот, на Големата сцена при НУЦК „Марко Цепенков“ ќе го изведе мјузиклот „Снежното Кралство“.
Претставата е замислена како сценска целина во која се испреплетуваат актерската игра, музиката и танцот, надополнети со костими, сценографија, кукли, светлосни ефекти и 3D-мапинг. Преку зимска приказна наменета за децата и младите, мјузиклот ги отвора темите за љубовта, семејството, сестринството, довербата и меѓусебната поддршка.
Режијата и кореографијата се на Кире Миладиноски, драматизацијата и адаптацијата на Благојче Николоски, а музиката е на Томе Темелковски. Во реализацијата учествува бројна екипа на соработници и изведувачи.
„Снежното Кралство“ е одобрено во Националната програма за култура и уметност на Министерството за култура и туризам за 2026 година. Станува збор за прва годинешна продукција на Танцовото студио „Зодијак“, реализирана во копродукција со Центарот за култура „Марко Цепенков“, кој веќе 27 години е матична сцена на студиото.
Покрај создавањето сценски продукции, од „Зодијак“ ја истакнуваат и важноста на развивањето млада театарска публика, преку запознавање на децата со уметноста, сценските пораки и процесот на создавање една претстава.


Сподели на социјалните мрежи