PRILEP JAZZ WEEKEND СО 15-ТО ИЗДАНИЕ ОД 1 ДО 3 ОКТОМВРИ

Од 1 до 3 октомври во Прилеп ќе се одржи 15-то издание на Prilep Jazz Weekend, фестивал кој годинава одбележува 15 години од своето основање.
Јубилејното издание носи програма со домашни музичари и проекти со различни пристапи кон џезот и современата музика. Фестивалот на 1 октомври ќе го отворат Глигор Кондовски и Дориан Јовановиќ со проектот „Crypt“, а првата вечер ќе ја затвори SETHSTAT, состав кој настапил и на првото издание на фестивалот пред 15 години.
На 2 октомври програмата продолжува со „Џез за чудаци“, додека на 3 октомври ќе настапат „Пијан Славеј“, музичко-поетскиот формат на Бранислав Николов, Пеце Трајковски и Славчо Јовев, и PEACH VICE.
По повод 15-годишниот јубилеј, за „Клуб Деница“ разговаравме со организаторите на Prilep Jazz Weekend за почетоците на фестивалот, неговиот развој, публиката, музичарите кои настапувале во Прилеп, предизвиците во организацијата, годинашната програма и плановите за иднината.
Целото интервју со организаторите на Prilep Jazz Weekend прочитајте го [ТУКА].