„ALL YOU NEED IS… БИТ(О)ЛСИ“ – концерт посветен на The Beatles во Битола

Љубителите на безвременските хитови на легендарните The Beatles на 20 мај (среда) ќе имаат можност да уживаат во уникатен музички спектакл во Центар за култура – Битола, каде со почеток во 20 часот ќе се одржи концертот „ALL YOU NEED IS… БИТ(О)ЛСИ“..
Концертот е во организација на Битолски дувачки оркестар, кој подготвува вечер исполнета со препознатливите мелодии на славната британска четворка, но во поинакво и оригинално музичко руво.
Како специјални гости на сцената ќе настапат Бранислав Николов, Сашо Паркет и Горан Петков, додека низ концертната вечер публиката ќе ја води Рубенс Муратовски.
Организаторите најавуваат силна енергија, познати хитови и поинакво доживување на музиката на The Beatles, а и овојпат продолжува соработката и поддршката од Државно музичко училиште – Битола.
Влезниците се по цена од 400 денари и може да се набават на билетарницата во Центарот за култура – Битола, како и со резервација преку Фацебоок и Инстаграм профилите на Битолскиот дувачки оркестар.