ОЧЕКУВАМ ПОДОБРИ ВРЕМИЊА
Чекор по чекор полека одам
Сакам по прав пати сите да ги водам,
Тоа нема да биде работа лесна
Секој човек не сака убава песна.
На сите ќе им подадам рака
Нема да ми претставува мака,
Од некој ќе има одбивање смело
Но со убави зборови ќе убедувам врело.
Животот е само мој
Ќе го живеам со идеалот свој,
Со сите ќе зборувам очи вочи
Секој своите грешки нека ги воочи.
Уживајте во својата младост
Почуствувајте вистинска радост,
На лицето имајте насмевка лесна
Секогаш на усни имајте убав збор, убава песна.
Животот луѓе за час ќе мине
Староста сите ќе не стигне,
Оставете зад себе убава трага
Немој не мери за да не ти мерат на вага.
Очекувам подобри времиња, век
За мојата измачена душа ќе биде лек,
Се би дала сите да имаат насмеан лик
Живот без грижи и болен крик.
Анита Тинтоска, Прилеп
