ТРИБИНА ЗА КАРЦИНОМОТ НА ДОЈКА ВО ОПШТИНА ПРИЛЕП

Комисијата за еднакви можности меѓу мажите и жените при Советот на Општина Прилеп организира трибина посветена на карциномот на дојка, на која ќе се разговара за превенцијата, редовните прегледи и раното откривање на болеста.
На трибината ќе говорат д-р Димитар Иваноски и д-р Гордана Љушиќ, специјалисти по хирургија. Тие ќе се осврнат на значењето на превентивните прегледи, препознавањето на можните промени и навременото откривање на карциномот на дојка.
Трибината е можност граѓаните да добијат стручни информации за оваа здравствена тема и да се запознаат со значењето на превенцијата и навремената дијагноза.
Настанот ќе се одржи на 30 октомври (петок), со почеток во 18 часот, во салата на Општина Прилеп. Организаторите упатуваат покана до жените од општината да присуствуваат на трибината.