ГОДИШЕН КОНЦЕРТ НА КУД „ПРЕРОДБА 24“ ВЕЧЕРВА ВО ПРИЛЕП

КУД „Преродба 24“ од Прилеп вечерва, 23 септември, ќе го одржи својот годишен концерт во големата сала на НУЦК „Марко Цепенков“ во Прилеп.
Концертот ќе започне во 19 часот, а пред прилепската публика ќе настапат повеќе културно-уметнички друштва, пејачки групи, ансамбли, оркестри и музички состави.
На програмата се најавени настапи на КУД „Преродба 24“ – Прилеп, Женската пејачка група „Орхидеја“ – Прилеп, КУД „Моминок“ – Прилеп, Женската пејачка група „Гердан“ – Штип, КУД „Сирма Војвода“ – Битола, КУД „Нико Пусоски“ – Кичево, КУД „Пензионер“ – Прилеп, Октет – Прилеп, Оркестарот при ООУ „Климент Охридски“, Тони Оцески, КУД „Пере Тошев“ – Прилеп, Ансамблот „Вања Лазарова“ – Скопје, КУД „Св. Кирил и Методиј“ – Иловица, Ацо Тришкоски и „Пензионер“ – Кичево.
Како специјални гости на концертот се најавени ОК Бенд.
Влезот е слободен.