ОКТЕТ „ПРИЛЕП“ НА 26 ОКТОМВРИ СО ТРАДИЦИОНАЛЕН ГОДИШЕН КОНЦЕРТ

Октетот „Прилеп“ на 26 октомври ќе го одржи традиционалниот годишен концерт во големата сала на Центарот за култура „Марко Цепенков“ – Прилеп , со почеток во 18 часот. На програмата се македонски народни и староградски песни, како и преработки на забавни шлагери. Како гости на концертот ќе настапат Сашо Башески, Викторија Георгиоска и Михаил Милошевски.
Повеќе од три децении, Октетот „Прилеп“ ја негува староградската песна и придонесува за зачувување на македонската музичка традиција. Формиран е во 1994 година, а негови основачи се Слободан Костоски и Кирил Талески. Во почетокот ансамблот настапувал под името „Октет пријатели“, а подоцна го добил името „Октет Прилеп“.
Низ годините, членовите настапувале на бројни концерти, манифестации и фестивали. Во 2024 година, Октетот одбележа 30 години постоење со јубилеен концерт во Прилеп.
Зачувувањето на староградската песна и пренесувањето на традицијата на помладите генерации остануваат важни предизвици за ансамблот.
Со традиционалниот концерт, Октетот „Прилеп“ повторно ќе ѝ понуди на прилепската публика можност да ужива во староградските мелодии и забавните песни. Членовите ги покануваат љубителите на овој вид музика да им се придружат на 26 октомври во Центарот за култура „Марко Цепенков“ – Прилеп во 18 часот.