ТИЈАНА ДАПЧЕВИЌ СО МОНОДРАМАТА „МЕНОПАУЗА“ ЗА ПРВПАТ ВО ПРИЛЕП

Тијана Дапчевиќ на 4 октомври ќе гостува во Прилеп со монодрамата „Менопауза“, која во Големата сала на НУЦК „Марко Цепенков“ ќе започне во 20 часот.
Станува збор за стендап-монодрама која низ хумор, искреност и отворен разговор ги обработува темите поврзани со женското секојдневие, хормоналните промени, љубовта, сексот, ПМС-от, но и кризата на средните години.
Претставата е замислена како духовита и директна исповед во која Тијана Дапчевиќ без многу воздржување зборува за теми за кои често се зборува тивко, а овојпат се претворени во повод за смеа и препознавање.
Текстот е на Данило Вукотиќ, а режијата е на Раде Вукотиќ.
„Менопауза“ во Прилеп доаѓа како можност за една поинаква театарска вечер, исполнета со хумор, но и со теми блиски до секојдневното искуство.
Влезници се продаваат на билетарницата на НУЦК „Марко Цепенков“.