Државното музичко училиште – Битола и НУЦК „Марко Цепенков“ – Прилеп организираат свечен соло-пијано концерт на младата пијанистка Теона Ванеска, под менторство на проф. д-р Јана Четелева Бељевска.
Настанот ќе се одржи на 16 јуни 2026 година (20:00 часот), во Фоајето на НУЦК „Марко Цепенков“ – Прилеп, и претставува уште една значајна вечер во која младите уметници го претставуваат својот уметнички развој и музичка зрелост пред публиката.
Публиката ќе има можност да ужива во внимателно одбран и стилски разновиден програм кој опфаќа врвни дела од барокот, класицизмот, романтизмот и современата музичка литература:
Програма:
- Ј. С. Бах – Прелудиум и Фуга во f-moll, ДТК 2
- Л. В. Бетовен – Соната во Es-Dur, Оп. 7 бр. 4
- Ф. Шопен – Ноктурно во cis-moll, Оп. 27 бр. 1
- А. Пушкин – „Мороз и солнце“
- Т. Прокопиев – „Вардаре“ (Јан Нечак, Теона Ванеска)
- Ф. Лист – Концертна етида „Gnomenreigen“
- П. И. Чајковски – „Приспивна во бура“
- А. Хачатурјан – Токата во es-moll
Како специјален гостин ќе настапи Јан Нечак – соло пеење, кој ќе внесе дополнителна уметничка димензија во вечерта.
Концертот претставува спој на млад талент, педагошка посветеност и богат класичен репертоар, кој ветува вечер исполнета со силни музички емоции и вистинско уметничко доживување.
